दलित साथै उत्पीड़न अउर अन्याय

जिला चित्रकूट, ब्लाक कर्वी, मुहल्ला जगदीश गंज। हिंया के सफाई कर्मी महेन्द्र कुमार का आरोप हवै कि जिला पंचायतराज विभाग के जगदीश वर्मा अउर सुरेन्द्र कुमार के खिलाफ कारवाही होय का चाही। जबै तक उनके खिलाफ कारवाही न कीन जइ तबै तक यहिनतान धरना मा बइठ रहि हौं।
सफाई कर्मी महेन्द्र कुमार का कहब हवै कि 10 मार्च से पटेल चैराहा मा बइठ हौं। मोर मांग हवै कि राष्ट्रीय अनुसूचित जाति आयोग के पारित निर्णय आदेश दिनांक 7 जुलाई अउर 26 अक्टूबर के क्रम मा संवैधानिक न्याय प्रदान कइके मांग पत्र के हर समस्या का समाधान कीन जाये। चित्रकूट जिला मा भ्रष्टाचार हवै। यहिके जांच जिला से हटा के राज्य के अधिकारिन से करावैं क जरुरत हवै। जांच से पहिले सुरेन्द्र चतुर्वेदी का तबादला कीन जाये। काहे से कि वा जांच मा बाधा डाल सकत हवै। विकलांग सफाई कर्मी रामभवन अउर श्याम कृष्ण जउन कि या समय सस्पेंट हवैं। उनके जायज मांगन का पूर कीन जाये।
जिला पंचायतराज विभाग के बाबू जगदीश वर्मा का कहब हवै कि वा मोरे ऊपर झूठै आरोप लगावत हवै। यहिमा मोर कउनौ गलती नहीं आय।