काम करत मजदूर
जिला फैजाबाद, ब्लाक मया, गाँव जरही। हिंआ तीन साल बाद मेहरारून का मनरेगा मा काम मिला बाय।
विद्यावती, बीरमती, अमरावती बताइन कि हमरे सबका तीन साल बाद मनरेगा कै काम मिला बाय। वहूमा कुछ मेहरारु का मिला बाय कुछ का नाय। तौ कवन मेर रोजी रोटी चलै।
शीला देवी, मालती देवी बताइन कि जब प्रधान से काम मांगत रहेन तौ जबाब मा इहै सुनै का मिलत रहा कि अबहीं मेहरारू लायक काम नाय बाय। चकरोट, नाली बनत बाय वहमन सिर्फ आदमी कै काम बाय तोहरे सब न कै पउबू। जब तलाब कै खोदाई होये तब काम मिल पाये।
प्रधान रामरंग यादव बताइन कि खण्ड़जा अउर नाली वाला काम मा दुई चार मेहरारू कै काम मिला रहा अउर सबका काम नाय मिला रहा। यही से अबकी बार तालाब कै काम होये तौ सब मेहरारून का काम मिले।