तीन साल पहले लगा सप्लाई पाइप, लेकिन चित्रकूट जिले के रैपुरा के नलों में आज तक नहीं आया पानी

जिला चित्रकूट, ब्लाक मानिकपुर, गांव  रैपुरा लगभग तीन साल से सप्लाई पानी के टंकी बनी हवै, पै अबै तक चालू नहीं भे आय। या कारन से मड़ई पियै खातिर पानी का तरसत हवै।
कस्बा के नित्य नाम के मड़ई का कहब हवै कि गांव मा तीन हैण्डपम्म लाग हवै। अगर उंई तीनो हैण्डपम्प खराब होइ जात हवैं तौ पानी के खातिर बहुतै परेशान होय का परत हवै। बस जल संस्थान वाले पानी के सप्लाई टंकी देखै खातिर बनवा दिहिन हवैं।
रेखा का कहब हवै कि पानी लें खातिर सड़क पार कइके जाये का परत हवै। यहिसे पानी भरै के चक्कर मा बच्चन का स्कूल भेजै अउर मनसवन का मजूरी करै खातिर जाये मा देर होइ जात हवै। या कारन से मनसवा गुस्सात हवैं।
श्रवण कुमार का कहब हवै कि तीन साल से या पानी के टंकी बनी हवै। जल संस्थान वाले यहिका चालू नहीं करत आय। अगर या पानी के टंकी के पानी के सप्लाई होय लागै तौ पानी के समस्या ख़त्म होइ सकत हवै।
जल संस्थान के सहायक अभियंता ए.के.भारती का कहब हवै कि सप्लाई टंकी जल्दी चालू करा दीन जई। वा हैण्ड ओवर कारावै का हवै।