डी.डी.टी. पाउडर के छिड़काव शुरु

जिला सीतामढ़ा, प्रखण्ड सोनवरसा के चिन्हीत पंचायत में अक्टुबर महिना से डी.डी.टी. पाउडर के छिड़काव शुरू हई। जेइसे इन्दरवा पंचायत के सहोरवा गांव अउर सोनवरसा पंचायत के चिलड़ी गांव में भी छिड़काव भेलईय।
दवाई छिड़काव वाला कार्यकर्ता देवेन्द्र साह कहलथिन कि कालाजर अउर मलेरिया बिमारी खत्म जब तक न होतई। छौ-छौ महिना पर एई दवाई के छिड़काव जारी रहतई। हम सब घरे-घरे जाके दवाई छिटई छी। जे जानकार व्यक्ति छथिन उ त अपने से आके दवाई छिड़काव करई छथिन। लेकिन जे व्यक्ति डी.डी.टी. दवा के महत्व के न जनई छथिन उनका कहलो पर दवा छिड़काव करावे से मना कर देई छथिन।
प्राथमिक स्वास्थ्य केन्द्र के कर्लक राकेश कुमार कहलथिन कि सोनवरसा प्रखण्ड के बासों पंचायत के सर्वे कैल गेल रहई। जेइमे कुछ गांव में मलेरिया अउर कालाजर बिमारी से ग्रसीत लोग मिललई। ओही गांव के चिन्हित कैल गेलई अउर डी.डी.टी. छिड़काव भी ओही गांव में होई छई। ताकी इ बिमारी के फैलाव दोसर घर अउर दोसर गांव में न होय। सितम्बर महिना में ही काम शुरू होय वाला रहलई लेकिन उपर से सुचना न मिललई। अब सुचना आयला के बाद काम शुरू कैल गेलई।