ट्रक के घेरले लोग
जिला सीतामढ़ी, प्रखण्ड रीगा, गांवपटनिया। उहां के तीन आदमी के ट्रक के ठोकर लगे से मौत हो गेलई। इ घटना चंढ़ीया चैक पर 31 अगस्त 2013 के भेलई। एइसही जिला शिवहर, प्रखण्ड तरियानी, गांव विश्वम्भरपुर में 4सितम्बर 2013 क्रे खाजेपूर के समीप बाइक अउर टक में ठोकर लागे से बाइक चालक के मौत हो गेलई अउर एक आदमी घायल हई। जिनकर इलाज पटना हो रहल हई।
पटनिया के रामसंजोग राय जिनकर मोत हो गेलई। उनकर माई चम्पा देवी अउर पत्नी कविता देवी कहलथिन कि उ तीन भाई रहलथिन। जेइमें उ माझील रहथिन हमरा पास दुगो बच्चा हय। जेइमें एगो बेटा रीपू कुमार पंाच साल के हई। साली ममता के पहूंचावे साली के पहुँचावे मदनपुर जाईत रहथिन। ओही क्रम में सीतामढ़ी चंडीया चैक के पास दस चक्का ट्रक गिट्टी से भरल रहई, ओई के चपेट में आ गेलई। जे तीनु (रामसंजोग राय,उनकर साली अउर बेटा) के ओहितर मौत हो गेलई। ई घटना दिन के अढ़ाई बजे के करीब के हई। धटना के लेकअ लगभग आठ धंटा ले सड़क जाम रहई। ओई के बाद थाना अध्यक्ष बी डी ओ प्रभात कुमार बरुआ, गांव के सरपंच जयकिशोर राय यादव सब अश्वासन देके जाम शांत कलथिन अउर बीस-बीस हजार रुपईया परिवारिक लाभ अउर कविअन्तोष्टी योजना के तहद पन्द्रह सौ रुपईया देलथिन। विशम्भरपूर के मनोज राय बाईक चालक अउर दिलीप राय शिवहर से विशम्भरपुर जाईत रहथिन। ओही समय उनका ठोकर लगलई।