खाली जाब कार्ड
। एते के आदमियन खा सरकार ने जाब कार्ड तो बनवा दयें हें, पे जाब कार्ड पांच साल बने होंय के बाद भी खाली परें हे। काय से ऊ आदमियन खा जाब कार्ड में एकऊ दिन काम नई मिलो हे।
कस्बा की सरिता, दस्सी ओर सरस्वती ने बताओ कि हमाये जाब कार्ड बने पांच साल हो गये हें। आज तक हम खा एकऊ दिन काम नई मिलो आय। एई से हम लोग मेहनत मजदूरी करके आपन परिवार चलाउत हें। सरकार के एते से गरीबन खा जाब कार्ड बनवाये हें कि आदमियन खा एक साल में सौ दिन को काम मिलहे। नई तो ऊखे बदले में रूपइया मिलहे, पे न तो काम मिलत आय ओर न रूपइया। जयपाल ने बताओ कि मोओ जाब कार्ड 2006-7 को बनो आय। जाब कार्ड की संख्या 1178 हे। ऊखो आरोप हे कि अगर काम आउत हे तो प्रधान अपने एते के आदमियन खा काम दे देत हे। जभे काम नई मिलत तो नाम के लाने जाब कार्ड काय बनवाये हें।
प्रधान आशाराम ने बताओ कि जीखे जाबकार्ड बने हें। ऊखा काम दओ जात हे। जभे काम कराओ जात हे तो मुनादी करा दई जात हे। जोन आदमी आउत हें, ऊखे काम दओ जात हे। जोन आदमी एते न आहे तो ऊखे काम केसे मिलहे।