जांच मा गलत पावा गा

जिला चित्रकूट, ब्लाक मानिकपुर, मुहल्ला गुढ़वा वार्ड नम्बर पांच। हिंया के कल्पना देवी कहत हवै कि सफेद राशन कार्ड बना रहै तौ जिला पूर्ति विभाग वाले एक साल से राशन कार्ड रद्द कइ दिहिन। यहिकें लिखित 2 दिसम्बर का जिला पूर्ति अधिकारी देवीदीन का दीने हौं।
कल्पना देवी का कहब हवै कि सफेद राशन कार्ड पन्द्रह किलो गेहूं, बीस किलो चावल, तीन लीटर मिट्टी का तेल अउर चीनी मिल जात रहै। यहै से घर का खर्चा थोइ नींकतान से चल जात रहै। पता नहीं कि कउन मड़ई जा के जिला पूर्ति विभाग मा कहि दिहिस हवै कि वहिका पक्का घर अउर दुकानैं किराये से चलत हवै।
जबैकि या बात झूठ हवै। राशन कार्ड बनै का चाही। मैं पात्र भी हौं। जबै से राशन कार्ड रद्द होइगा मैं परेशान रहत हांै।
जिला पूर्ति विभाग के अधिकारी देवीदीन कहिन कि कल्पना देवी के जांच कीन गे हवैं। जांच मा गलत पावा गा कि वहिका पक्का घर अउर दुकानैं हवै। अब वहिका नवा राशन कार्ड बनवा दीन जई।