जांच के बाद लिखहे मुकदमा

जिला महोबा, ब्लाक कबरई, गांव छिकहरा। एते की गीता बताउत हे कि 1 सितम्बर खा ससुराल वालेन ने मोई बिटिया रीता के फांसी लगाके जान ले लई हे। ईखी रिपोर्ट मायके वालेन ने महोबा कोतवाली में लिखाई हे।
मताई गीता बताउत हे की रीता के तीन छोटे् छोटे बच्चा हे। नौ साल पहले बरा गांव में कौशल के साथे भई हती। शादी में अपने हंेसियत से ज्यादा दहेज दओ हतो। फिर भी ससुराल वाले मोटर साइकिल मांगत हते। नई दई तो रीता के साथे मारपीट भी करत हतो। अभे 29 अगस्त खा राखी बांधे आई हती। एते से 31 अगस्त खा छिकहरा से रीता ससुराल बरा गई हे। 1 सितम्बर खा पता चलो कि रीता फांसी लगा के मर गई हे।
एई से हमने हमने ससुर ओर देवर के नाम रिपोर्ट श्रीनगर थाना में लिखाई हे।
श्रीनगर थाना एस.ओ. रामकेवल पटेल कहत हे कि पंचनामा रिपोर्ट आयें के बाद जांच करी जेहे। जांच के बाद मुकदमा लिखो जेहे।