जल निकासी की समस्या झेल रहे हैदरगढ़ तहसील के ढ़ेडहा पट्टी गाँव के लोग

बाराबंकी जिला के हैदरगढ़ तहसील के ढेड़हा पट्टी गाँव कै मनई जल निकासी कै व्यवस्था न हुवय के कारण घर के बाहर गड्ढा खोदके पानी जमा कराथे।
शमरून निशा कै कहब बाय की बीसन साल से दिक्कत झेलत हई। पानी कै निकास नाय बाय बाल्टी मा भरके बाहर फेकै का पराथै। अलीहसन कै कहब बाय की मुददत बीतगा पानी भरा बाय। केतना प्रधान आये अउर चला गए लकिन नाली केहू नाय बनवाइस।
कैसर जहाँ कै कहब बाय कि घर मा पानी न भरै जेसे दुसरे के घरे नहाय जाईथी। बाकी जब बर्तन धोई थी तौ घरमा फेंक दीथी सोख जाथै। साफ़-सफाई नाय रहत  हमेशा बीमार रहीथी।
साल के बारह महीना घरमा पानी भरा रहाथै। मुहर्रम अली कै कहब बाय की ई सारी कमी पंचायत मित्र अरुण कै आय। काहे से वै समस्या लिखके तौ लै गये लकिन शासन तक नाय पहुचाइन। लगभग दस साल से पंचायत मित्र अहैं अब तक बनिगा हुवत।
प्रधान सुशील वर्मा कै कहब बाय कि नाली कै प्रस्ताव 2016-17 मा भेजा गा रहा। प्रस्ताव पास होइगा बाय। खनन बंद होय जाय से बालू सीमेंट व मोरंग कै दाम आसमान छुवत बाय। जब सरकार कै खनन नीति आये तब काम शुरू होये।
बीडीओ उमेन्द्र प्रकाश पाल बताइन की निर्माण कार्य पै अबहीं सरकार के तरफ से रोंक लाग बाय। रोक हटे के बाद निर्माण कार्य शुरू होय जाये।
रिपोर्टर-नसरीन 

Published on Nov 27, 2017