करत मीटिंग
चित्रकूट जिला, ब्लाक कर्वी का नगर पालिका सभागार। हिंया 24 जनवरी 2014 का राशन कार्ड जल्दी बनै के बइठक भे। या बइठक मा जिला पूर्ति अधिकारी ओम प्रकाश, कोटेदारन अउर अधिकारिन से कहिन कि जल्द से जल्द पुरान राशन कार्डन का बनै का चाही। अबै तक राशन कार्ड काहे नहीं बने आहीं। बइठक मा आय कोटेदार कहिन कि हम फार्म भरवावैं खातिर मड़इन का दइ दीने हन, पै अबै तक वापस नहीं आय आहीं। या बात का लइके जिला पूर्ति अधिकारी कहिन कि नगर पालिका अधिकारी लाल चन्द्र सरोज या काम का जल्द से जल्द पूर करवावैं
जिला चित्रकूट, कर्वी कलेक्ट्रेट सभागार। हिंया चुनाव का लइके 24 जनवरी का बइठक भे। या बइठक मा जिला निर्वाचन अधिकारी डी.एम बलकार सिंह कहिन कि लोकसभा चुनाव 2014 का नींकतान से निपटावैं का हवै। या काम के जिम्मेदारी उंई सबै अधिकारिन का संउप दिहिन। डी.एम कहिन कि परिवहन विभाग पुलिस विभाग, निर्वाचन विभाग सब आपन आपन जिम्मेदारी से काम करैं। साथै हर चीजन के व्यवस्था रखैं। पुलिस विभाग से कहिन कि उंई आपन आपन क्षेत्र के बूथन का जांच कइ के अगर कउनौ कमी हवै तौ बतावैं। जिला चित्रकूट, ब्लाक रामनगर। हिंया 25 जनवरी 2014 का खुली बइठक भे। या मा 38 ग्राम पंचायत के प्रधान अउर बी.डी.ओ. का चार्ज देखै वाले डी.डी.ओ प्रमोद कुमार भी शामिल रहैं। बइठक मा कालोनी, तालाब, राशन कार्ड पेंशन खातिर बात कीन गे।
प्रधानन का कहब रहै कि हम तौ काम करवाइत हन, पै हमका बजट नहीं दीन जात आय तौ कसत काम
चुनाव के करत तैयारी
करवई। सिकरी गांव के प्रधान सुशीला देवी के मनसवा रामस्वरूप का कहब हवै कि तीन महीना पहिले नाली बनवाये रहौं, पै आज तक रूपिया नहीं आवा आय। रामनगर कस्बा के प्रधान कामता प्रसाद का कहब हवै कि अधिकारी हर छह महीना मा बइठक करवा लेत हवैं, पै काम अउर रूपिया पास नहीं करत आहीं। आपन कागज के पूर्ति करत हवैं।