छेड़छाड़ के विरोध पै ब्लेड से हमला

जिला फैजाबाद, ब्लाक मसौधा। हिंआ 12 दिसम्बर 2014 का एक कक्षा छः कै छात्रा पढ़ै जात रही। स्कूल के रास्ता मा एक लड़का छेड़छाड़ करिस अउर विरोध करे पै ब्लेड से मारके घायल कै दिहिस।
छात्रा के घरवाले कै कहब बाय कि हमार बिटिया कक्षा छः मा पढ़त रही अउर रोज स्कूल जात रही। वैसे शुक्रवार का स्कूल गईन अउर रास्ता मा चंचल वर्मा नाम कै लड़का हमरे बिटिया के साथे छेड़छाड़ करिस तौ हमार बिटिया विरोध करिस। विरोध करै पै ब्लेड से हमला कै दिहिन। हमरे बिटिया कै हालत गम्भीर बाय।
पूराकलंदर थाना कै दीवान मुशीद खान बताइन कि छात्रा का स्वास्थ्य के ताई भेजा गै बाय। विवेचना चलत बाय वकरे बाद लड़का का गिरफ्तार कइके जेल भेजा जाये।