छह साल के लड़की के साथे बलात्कार

जिला अम्बेडकर नगर, ब्लाक भीटी, गांव कद्रीयावां। हिंआ 10 मई कै एक छह साल के लड़की के साथे भै बलात्कार। अहिरौली थाना मा केस दर्ज भै बाय।
गांव के मनइन कै कहब बाय कि बच्ची शाम के पड़ोसी के घर गेदहरन के साथे खेलत रही। पड़ोसी के घरे अउर केहू नाय रहा। सत्तरह साल कै एक लड़िका अपने घरे बहलाय फुसलायके लै गै। जबरदस्ती ओकरे साथे बलात्कार करिस। लड़की रोवत अपने घरगै। अपने महतारी से बताइस। महतारी जब ओरहना लइके गइन तौ लड़का के घरवाले गाली दियै लागिन। जान से मारै कै धमकी दइके भगाय दिहिन। तब अहिरौली थाना रिपोर्ट दर्ज कराइन।
अहिरौली थाना कै एस.ओ. ज्ञानेन्द्र कुमार सिंह बताइन कि तहरीर मिली बाय। दुइनौ गेदहरै नाबालिक हइन। जांच कीन जात बाय। वकरे बाद कार्यवाही होये।