चेयरमैन कहिन कि अबै फुरसत नहीं हवै

जिला चित्रकूट, ब्लाक रामनगर, कस्बा राजापुर, तुलसी चैक वार्ड नम्बर दस। हिंया लगभग दस मीटर नाली नहीं बनी हवै। नाली बनवावैं खातिर राजापुर टाउन एरिया मा 1 जनवरी का लिखित दरखास दीन गे, पै अबै तक नाली बनवावैं के सुध कउनौ नहीं लिहिस हवै।
वार्ड नम्बर दस के सुंदर, ननकू केशरवानी अउर सतीश कुमार का कहब हवै कि मड़इन के घरन का नहाये धोवै का पानी रास्ता मा भरा रहत हवै। कुछ मड़ई अपने दुआरे के सउहें गढ़वा खोदे हवैं। वहिमा पानी भरत हवै। मड़इन का नहाये से पहिले गढ़वा का पानी उलीचैं का परत हवै। गंदा पानी भरा होय के कारन मच्छर खूबै लागत हवंै। हिंया नाली बनब जरूरी हवै, पै नाली बनवावैं के चिंता कउनौ का नहीं आय। कहै का तौ राजापुर टाउन एरिया हवै, पै नाली बनवावैं के जिम्मेदारी टाउन एरिया वाले नहीं समझत हवंै। अगर नाली बन जाये तौ
हमार समस्या खतम होइ सकत हवै।
राजापुर टाउन एरिया के चेयर मैन लक्ष्मी प्रसाद वर्मा से या समस्या का लइके बात कीन गे। उनकर कहब हवै कि अबै दूसर कइती नाली बनवावैं का काम चलत हवै। हुंवा नाली बन जई तौ तुलसी चैक वार्ड नम्बर दस मा भी नाली बनवा दीन जईं। मोहिका खुदै नाली बनवावैं के चिंता हवै। काहे से कि हंुवा नाली बनब बहुतै जरुरी हवै। मड़ई नाली बनवावैं का कइयौ दरकी कहिन हवैं।