चित्रकूट जिले के अन्नू की फांसी लगाकर हुई मौत, ये हत्या है या आत्महत्या?

चित्रकूट जिले के मऊ ब्लाक के गांव कोटरा खाम्भा मजरा भलुहा पुरवा मा 1 दिसम्बर का अनारकली उर्फ अन्नू फांसी लगा के मउत होइ गें हवै।ससुराल वाले मउत का कारन आत्महत्या बतावत हवै जबै कि मइके वालेन का आरोप हवै कि दहेज के कारन हत्या कीन गें हवै। अन्नू का मायका मध्यप्रदेश का घुमन गांव आय।
अन्नू के भाभी रानी अउर मोना बताइस कि अन्नू के सास बहुतै बदमाश हवैl जबै पुलिस वाले आये हवै तबै रोइस हवै।शादी मा तीन लाख एक गाड़ी दीने हन दुई लाख नहीं दई पायेंन तौ हमार ननद का मार  डालिन हवैl भाई शिवनरेश बताइस कि सबै कमी मोर बहनोई मा हवै काहे से वा दहेज के कारन मोर बहिनी का मारत पिटत रहै।पांच लाख के शादी तय कीन रहै तीन लाख दइ दीने हन दुइ  लाख बाकी रहै। यहै कारन उंई मोर बहिनी का मार डालिन हवै।हम दहेज प्रथा का मुकदमा लिखाइबै। अन्नू का मनसवा भरत बताइस कि अन्नू का नानी के हिंया जाए का रहै। तौ मैं गाड़ी निकाल के तैयार होइ गयेंव तौ वा कहिस मैं न जइहौं। तबै मैं मेला घूमें चला गयेंव।सास धोखिया बताइस कि हम लकड़ी लें चले गये रहेन जबै शाम के आ के देखा तौ दरवाजा बंद रहै फेर एक लड़की का कुदा के दरवाजा खोलावा तौ वा फांसी  मा लटकी रहै।सीओ विनीत सिंह का कहब हवै कि मइके वाले जबै लिखित दरखास देहैं तौ कारवाही कीन जई।
रिपोर्टर-सुनीता देवी

Published on Dec 4, 2017