चित्रकूट जिले का गल्ला मंडी, सालों बाद भी नहीं है शौचालय

जिला चित्रकूट के गल्ला मंडी बनें सालन बीत गें हवै। हिंया के कुछौ मड़इन का कहब हवै कि शौचालय नहीं बना आय पै कुछौ मड़ई कहत हवै कि शौचालय बना हवै। गल्ला मंडी मा आस-पास गांवन के हजारन किसान रोज आवत हवैं पै शौचालय न होय से बहुतै परेशानी होत हवै। सबसे ज्यादा तौ मेहरियन का परेशानी होत हवैं।
माया बताइस कि आठ नौ साल से काम करत होइगें पै हिंया शौचालय नहीं बना    आय। रामाश्रय का कहब हवै कि सबै मड़इन दिक्कत होत है। ज्ञानवती का कहब है कि शौच जायें खातिर बहुतै परेशानी होत हवै।
सांसद प्रतिनिधी सुशील दिवेदी का कहब हवै कि गल्ला मंडी मा सामूहिक शौचालय  बनावें का प्रस्ताव पास हवै, वहिकर काम भी शुरू हवै। शौचालय जल्दी बनके तैयार होइ जइहैं जेहिसे मड़इन के समस्या खतम होइ जई। अभियान चलावा जात हवै पूर जनपद ओडीएफ होय वाला हवै।

रिपोर्टर- सहोद्रा 

Published on Jan 23, 2018