चकबन्दी मा गे जमीन

जिला चित्रकूट, ब्लाक मऊ, कस्बा खण्डेहा। हिंया के सुशील कुमार कहिस कि लगभग पचास मड़इन के खेती के जमीन दुइ बरस पहिले चकबन्दी मा चली गे हवै। उनका बदले मा लौरी अउर चकवा गांव मा पहाड़ के लगे जमीन मिली हवै। यहिसे उंई परेशान हवैं। यहै से मऊ एस.डी.  अवधेश कुमार का 1 अक्टूबर 2013 का लिखित दरखास दिहिन हवै।
मऊ एस.डी.एम अवधेश कुमार का कहब हवै कि दरखास मिली हवै। जांच के बाद देखा जई। यहिके बाद उनके जमीन देवाई जई।
कस्बा के रामसिंह अउर इन्द्रपाल का कहब हवै कि दुइ बरस पहिले चकबन्दी भे रहै। चकबन्दी मा नींक जमीन चली गे। वा जमीन मा सबै फसल नींक से होत रहै। या कारन परेशान हन। जमीन पहाड़ के किनारे सरकार दिहिस हवै। वा पथरीली जमीन हवै। नींक खेती न होइ तौ कसत घर का खर्चा चली काहे कि खेती से खर्चा चलत हवै।