बतावत समस्या
जिला चित्रकूट, ब्लाक माकिनपुर, गांव जरवा। हिंया एक हजार के आबादी हवै। मड़ई तीन बरस से गन्दा पानी भरा होय से परेशान रहत हवैं। यहिके खातिर प्रधान गेंदालाल से कहा गा हवै, पै वा कउनौ ध्यान नहीं देत आय।
हिंया के राजू, राम लगभग दस मड़इन का कहब हवै कि नाली बनी हवै तौ ऊंच हवै। घर हमार नीचे परत हवैं। या कारन नाली का पानी हमार घरन मा घुसत हवै। हम तीन बरस से नाली बनै से परेशान रहित हन। प्रधान से कहित हन कि नाली का नींकतान से बनवा देव तौ वा नहीं सुनत आय। नाली के पानी मा किरवा रहत हवैं। वहै किरवा खाना अउर पियै वाले पानी मा आवत हवैं।
प्रधान गेंदालाल का कहब हवै कि अबै बजट नहीं आवा आय। जबै बजट आ जई्र तौ नाली नींकतान से बनवा दीन जई।