गाज गिरें से गई जान

जिला महोबा, ब्लाक चरखारी, गांव बमरारा। एते 2 अप्रैल 2013 दोपहर 2 बजे अपने खेत में अलसी काटत समय गाज गिरे से सास बुद्वी घायल हो गई हे ओर बहू अखिलेश की मोत हो गई हे।
सास बुद्वी ने बताओ की में ओर मोई बहू अखिलेश 2 अप्रैल 2013 मंगलवार खे आपन खेत में  अलसी काटत हते तभई लगभग 2 बजे खीब आंधी पानी के साथ गाज गिरी जीसे में घायल हो गई ओर अखिलेश की मोके पे ही मोत हो गई। जभे मोओ लड़का साकेत हमें खेत में ढूढ़न आओ तो हमाई ई हालत देख के हम दोनऊ जने खे जिला अस्पताल ले गओ। ओते डाक्टरन ने अखिलेश खं मरो घोषित कर दओ। मोई बहू के दो बच्चा हें जीमें एक बिटिया अनामिका पांच साल की ओर एक लड़का सतीश तीन साल को हे।
लेखपाल हरदयाल ने मोके पे आके मुआयना करो हे ओर आर्थिक मद्द देवायें खा अस्वासन दओ हे।
लेखपाल हरदयाल ने बताओ कि मृतका अखिलेश खें नाम डेढ़ लाख के चेक आ गओ हे। तहसीलदार के दसखत करायें खे बाद ऊ लोगन खें चेक दे दओ जे हे।