जिला चित्रकूट, ब्लाक कर्वी,
गांव कसहाई। हिंया के 25 जुलाई का म लाल सिंह अउर अरुणा पटेल के गाज गिर गे। गाज गिरै से उनके मउत होइगे। मउके मा कर्वी विधायक अउर एस. डी. एम. पहुंच गे अउर दैविक आपदा के तहत मुआवजा दें का भरोसा दिहिन।
हिंया के भइयालाल पटेल का कहब हवै कि लड़की अरुणा पटेल ससुराल से 22 जुलाई का आई रहै। अरुणा अउर लड़का लाल सिंह 25 जुलाई का खेत गें रहैं। वा दिन, दिन मा लगभग साढ़े चार बजे उनके ऊपर गाज गिरी। यहिसे उंई दूनौ भइया बहिनी मर गें हवैं। यहिसे परिवार वालेन का रो-रो के बुरा हाल हवै। लड़की अरुणा का बाप कहिस कि वहिके दुइ छोट-छोट बच्चा हवैं। अब उनके देख भाल कउन करी?
कर्वी एस.डी.एम. रजनीश कुमार मिश्र का कहब हवै कि दैविक आपदा के तहत दूनांै के परिवार वालेन का चार-चार लाख रुपिया का चेक दइ दीन गा हवै।