गांव में अधियारो

जिला महोबा, ब्लाक पनवाड़ी, गांव अण्डवारा। एते एक महीना से डी.पी.फुंकी परी हे, ईखी सूचना कुलपहाड़ बिजली विभाग में दई हे, पे कोनऊ सुनवाई नई भई हे।
राजेश ओर शिवरतन ने बताओ कि हमाये ई मोहल्ला में दो साल पेहले दो डी.पी. हती। जीमें एक डी.पी. खोल के आदमियन ने ऊखो सामान बेंच लओ हे। अब एक डी.पी. बची हे, जीमें लगभग 65 आदमी बिजली जलाउत हे। पूर्वप्रधान अवधेश ने बताओ कि एक डी.पी. होंय के कारन 10 जून 2014 खा डोरी से सबके घरन में करंट आ गओ हतो, लाइन मेन राजू मिश्रा ने बिजली कटवाई हती।
प्रधान राजेश राजपूत उर्फ पप्पू ने कहो कि मेंने कुलपहाड़ बिजली विभाग में केऊ दइयां कहो हे। कुलपहाड़ बिजली विभाग के जेई एस. के. कुशवाहा ने कहो कि जित्ते भी कनेक्शन धारक हें। ऊ बिल को रूपइया जमा कर देय तो डी.पी. धरा जई जेहे।