गलत इंजक्सन लगायें से मोत

जिला महोबा, ब्लाक चरखारी, गांव बारी की सत्तर साल की ओरत रामप्यारी की 2 मई खा मोत हो गई हे। परिवार वाले डाक्टर के ऊपर गलत इग्जक्सन लगायें को आरोप लगाउत हे।
रामप्यारी को आदमी आशाराम बतााउत हे की रामप्यारी खा सुगर की बिमारी हती। 2 मई खा अचानक से रामप्यारी के हाथ पांव दर्द करत हते। जीखे इलाज के लाने खरेला प्राथमिक स्वास्थ्य केन्द्र ले गये। ओते डाक्टर से बीमारी के बारे मे बता दओ हतो। फिर भी डाक्टर ने हमाई बातन को ध्यान नईं दओ। इग्जक्सन लगा दओ, ओर बोतल लगा दई आधी बोतल चढ़े के बाद रामप्यारी खा चक्कर आउन लगे ओर उल्टी होन लगी। लड़का घासीराम ने बोतल निकार दई। बोतल निकारें के थोई देर बाद रामप्यारी की मोत गई हती। लड़का घारीराम को आरोप के ही डाक्टर की लापरवाही के कारन मोई मताई की मोत भई हे। ईखी सूचना थाना में दई हती। पुलिस पंचनामा भर पोस्टमार्टम कराओ हे।
डाक्टर आर.एस. राजपूत बताउत हे की मोये मधुमक्खी ने काट लओ हतो। जीसे मे चलो गओ हतो। ऊखो इलाज फार्मसिस्ट नरेश वर्मा ने करो हतो। कोनऊ भी ओरत जा आदमी की तुरतई मोत होत हे तो र्हाटाटैक की बीमारी हो सकत हे।

रिपोर्टर – सरोज