गन्दो आउत पानी

महोबा जिला में गर्मी के शुरू होत ही पानी की परशानी होन लगत हे। पे ई साल कस्बा की टंकी के सफाई न होंय के कारन आदमियन के घर में गन्दो पानी जात हे। जीसे आदमी पिये के पानी खा बूंद-बूंद के लाने तरसत हे।
जंटीपुरा के रामबाई शिवकुमार बताउत हे कि हमाये मोहल्ला मे जल संस्थान के आफिस मे पांच साल पेहले टंकी बनी हती। ओई टंकी से पिये खा पानी आउत हे। अखिलेश, भरत ओर प्रभा कहत हे की जल संस्थान वालेन टंकी की सफाई नई कराउत हे। जीसे टंकी को गन्दो पानी आउत हे। जीसे न पानी पी सकत हे ओर न कोनऊ काम में में प्रयोग कर सकत हे। ईखी शिकायत हमने केऊ दइयो जल संस्थान कार्यालय मे दई हे, पे कोनऊ सुनवाई नई भई हे। हमें सुबेरे से हैण्डपम्प मे लाइन लगाने परत हे। जल संस्थान के अवर अभियन्ता एस.के वर्मा ने कहो कि समय-समय में टंकी की सफाई ओर ब्लीचिंग पाउडर डराओ जात हे।