खेत में पटाउ हरि खाद

जिला सीतामढ़ी के नेहरू भवन में 8 मार्च 2013 के हरि चादर योजना के तहत एक दिवसीय कार्यशाला कयल गेलई। जेकर उदघाटन सयुक्त कृषि निदेशक विजय कुमार कलथिन। एई में सीतामढ़ी जिला के सतरहो प्रखण्ड के किसान सलाहकार अउर एस. एम. एस. भाग लेलथिन।
डूमरा प्रखण्ड के बि.ए.ओ. संजय कुमार कहलथिन कि एई कार्यशाला में सब बि.ए.ओ., किसान सलाहकार अउर एस एम एस के मुंग अउर घइचा के हरि खाद के रूप में केना प्रयोग करतई एकर जानकारी देल गेलइय। जिला स्तरीय कार्यशाला के बाद प्रखण्ड अउर पंचायत स्तरीय कार्यशाला कयल जतई।
डीएओ सुरेन्द्र प्रसाद कहलथिन कि हरि खाद जमिन के पोषक तत्व के पुरा करई छई। इ माटी में हार्मोन अउर विटामिन के मात्रा के भी बढ़वई छई। 11 मार्च 2013 के डूमरा पंचायत समित कार्यालय में प्रखण्ड स्तरीय कार्यशाला शुरू होलई। विषय वस्तु विशेषज्ञ दिवाकर वात्सल्य कहलथिन कि इ कार्यशाला11 से 16 मार्च तक चलतई। जइमें एकदिन में पांच पंचायत के किसान के प्रशिक्षण मिलतई।