खुला नाला, बना जान का खतरा

जिला चित्रकूट, ब्लाक कर्वी, गांव कपसेठी। हिंया नाला बना हवै। वा नाला खुला हवै। यहिसे जानवर अउर बच्चा रोजै वा नाला मा गिर जात हवैं। यहिसे उनका चोटावैं का डेर बना हवै। नाला मा पटिया धरावैं खातिर प्रधान अच्छेलाल से 7 नवंबर का कहा गा। वा कहत रहै कि नाला मा पटिया धरा दीन जई। कमलेश कुमारी अउर सीताशरण का कहब हवै कि हिंया पचहत्तर घर हवै। सबै घर के मड़ई जानवर पाले हवैं। नाला खुला होय के कारन जानवर नाला मा गिर जात हवैं। पंद्रह दिन पहिले नत्थू का नाती आदित्य गिर गा रहै। वहिकर हाथ पखौरा से उखड़ गा रहै। यहिनतान कइयौ लड़का बच्चा चोंटा गें हवै।
प्रधान अच्छेलाल कहिस कि नाला मा पटिया धरावैं खातिर सरकार कइती से बजट नहीं आवा आय।