खाता खोलाउ, इन्दिरा आवास पाउ

गाँव के झोपरी

जिला सीतामढ़ी, प्रखण्ड रीगा, पंचायत, गांव शहवाजपुर। उहां वार्ड नम्बर सोलह में रमेश कुमार के इंदिरा आवास न मिललइय। जबकि उ दलित परिवार से छथिन।
रमेश कुमार के माई रधिया देवी, बाबूजी जोगीन्दर राम कहलथिन कि हमरा बी.पी.एल. में आठ अंक हई। बेटा के नाम अभी बी.पी.एल में न हई। लेकिन शादी माघ 2013 में कइली। इंदिराआवास मिले के लेल जातीय, अवासीय सब कागज बना लेली, लेकिन कहां पास बूक मिलल ह?
पंचायत समिति प्रदीप नरायण झा कहलथिन कि हम उनकर सब कागज तइयार करवा देले छी। लेकिन खाता खोलवइथिन तब न। बैंक वाला खाता खोले के लेल रूपईया मंगई छथिन। जेइकारण न खोलवयेले होईथिन। उत्तर बिहार ग्रामिण दोघरा सहवाजपुर बैंक मैनेजर महेश चैधरी कहलथिन कि हम दू तीन बेर खाता आगे खोलावे ला प्रखण्ड विकास पदाधिकारी के कहली। तब हम जीरो बैलेन्स पर खाता खोलती। लेकिन उ न खोलवये ले छथिन त हम कोनो खाता खोलावे वाला से एक हजार रूपईया लेके खाता खोलइले। जेई खाता पर कही से रूपईया आ सकई छई अउर इंदिरा अवास के भी रूपईया मिलतई। जे खोलवयेले छथिन उनका एक दू आदमी के इंदिरा आवास के रूपईया अलईह।
प्रखण्ड विकास पदाधिकारी प्रभात कुमार बरूआ कहलथिन कि हम डोकोमेन्ट पंचायत संचिव के देवई। तब सचिव जाके खाता खोलवइथिन। हम अभी उहां कागज जमा न कइली ह जेइ कारण रूपइया मंगइत होतई ।