खउलत तेल डारिस

जिला चित्रकूट, ब्लाक कर्वी, चकरेही चैराहा, गंगा जी रोड। हिंया के राजबहादुर का आरोप हवै कि लड़का बद्री प्रजापति के ऊपर कढा़ही का खउलत तेल 13 नवंबर का दिन मा साढ़े ग्यारह बजे खटकाना मुहल्ला का मुक्कू उर्फ मुकेश खउलत तेल डार दिहिस। यहिसे लड़का जल गा हवै। यहिके रपट कर्वी कोतवाली मा लिखाइगे।
राजबहादुर का कहब हवै कि हमार टैªक्टर के बैटरी अप्रैल के महीना में मुक्कू चोरा लइगा रहै। हम लोग मुक्कू से कहेन तौ वा लड़ै लाग। तबै या मामला शांत होइगा रहै, पै मुक्कू अपने मन मा दुश्मनी भरे रहै। लड़के का मारत रहै 13 नवंबर का चाय के दुकान मा लड़का बद्री अउर मुक्कू ठाढ़ रहै। मुक्कू खउलत तेल के कढ़ाही उठाइस अउर बद्री के ऊपर उड़ेल दिहिस। हम लोगन का पता लाग जा के देखेन तौ लड़का का कर्वी सोनेपुर अस्पताल मा भर्ती कराइन। लड़का हमार बहुतै जल गा।
मुक्कु उर्फ मुकेश के महतारी रामसखी कहिस कि लड़का गांजा दारु करत रहै, पै पन्द्रह दिन से नशा छोड़ दिहिस रहै। लड़का गलत करिस, पै उंई मोरे लड़का का खूबै मारिन हवै। या बात दुकान वाला भी बता सकत हवै।
दुकानदार दीपक का कहब हवै कि मैं नहीं देखे आहूं। मैं सामान निकारत रहौं। यहिके बाद हाथ धोवै लाग रहां। कर्वी कोतवाली के मुंशी कालीदीन का कहब हवै कि मुंक्कू के खिलफ 326 बी(गंभीर चोंट)323(मारपीट)504(गाली गलौज)अउर 506(जान मारै के धमकी) के धारा लाग हवै।