कैंसर के बीमारी से परेशान, प्रधान करिस मदद

जिला चित्रकूट, ब्लाक मानिकपुर, गांव गिदुरहा। हिंया के माया देवी पांच बरस से बच्चेदानी मा कैंसर के बीमारी अउर गरीबी से परेशान होइके घर बइठ गे रहै। जबै प्रधान संजो देवी का पता चला तौ माया देवी से बात करिस अउर 24 नवम्बर 2013 का लखनऊ मा जांच कराइस हवै हुंवा कि दवाई चलत हवै।
माया देवी बताइस कि पांच बरस से कैंसर के बीमारी से परेशान हवै। बीमारी मा पचास हजार रूपिया दवाई मा खर्चा होइगा हवै। यहै से लड़का बिटिया भी भूखमरी के कगार मा हवै। जउन मेहनत मजूरी का रूपिया रहै वा भी दवाई मा खर्चा होइगा हवै। यहै से दवाई बन्द कइ दीने रहौं। जउन मोहिका बदा होइ। सरकार कइती से बीमारी का कुछौ लाभ नहीं मिला कि ज्यादा रूपिया होय तौ इलाहाबाद दवाई करा सकौं। यहै से परेशान हाइके घर मा बइठ गे हौं। अब प्रधान संजो देवी मोर दवाई करावै का मदद करिस हवै। 24 नवमबर 2013 का लखनऊ मा भर्ती करवाइस हवै। अब लखनऊ की दवाई चलत हवै।
प्रधान संजो देवी का कहब हवै कि वा मोहिसे पहिले नहीं बताइस रहै अब मोहिका पता चला हवै। जबै माया देवी बताइस तौ 24 नवमबर 2013 का लखनऊ मा भर्ती कराये हौं। जांच मा बड़े अस्पताल मा जांच मा कैंसर निकरा हवै तौ हुंवा के दवाई चलत हवै। अगर पहिले बता देत तौ अउर जल्दी इलाज करा देतेंव।