जिला फैजाबाद, कस्बा अयोध्या। अब्दुल रहीम कुरैशी नाम कै लेखक जवन कि आल इण्डिया मुश्लिम पर्सनल ला बोर्ड कै सहायक महासचिव अहैं। वै अपनी लिखी किताब द फैक्ट्स आफ अयोध्या एपिसोड मा ई दावा करे अहैं कि राम कै जन्म अयोध्या मा नाय पाकिस्तान मा भै बाय। जेकरे बारे मा खबर लहरिया कै पत्रकार कुछ मनई से राय लिहिन।
रामपियारी बताइन कि इक्कीस साल से हम अयोध्या मा आइके रहै लागेन। हिन्दुस्तान तौ पाकिस्तान से अलग बाय। कइसे राम कै जनम पाकिस्तान मा होये। भारती त्रिपाठी कहिन कि तीन पुस्त होइगा यहीं रहत। पेपर मा जवन आवत बाय ऊ गलत आय।
यशकुमार चैरसिया बताइन कि ई तौ इतिहास दोहराऊब भै। जवन गेदहरा अस्पताल तौ नाय माना जात। शाहनेवाजपुर कै नवमीलाल यादव बताइन कि जवन रामचरिमानस लिखिन उनहूं का नाय पता बाय कि राम कै जन्म कहां भै। तौ कुरैशी जी का कैसे पता कि राम के जन्म कहां भै बाय। सिर्फ एक कहानी बनाई जात बाय।