केकरा मिलतई पेंशन

जिला शिवहर, प्रखण्ड तरियानी, गांव कस्तुरिया। इहां के मोहम्मद अरसद मानसिक अउर शारिरीक दुनु तरह से विकलांग छथिन। लेकिन उनका कोई पेंशन न मिल रहल हई।
अरसद के बाबुजी मोहम्मद भीखारी कहलथिन कि हमर बेटा जब तीन साल के रहे तभिये ओकरा पोलियों मार देलकई। अभि ओकर उमर तीस साल हो गेलई लेकिन उनका पेंशन न मिल रहल हई। एकर त परवरिस में भी परेशानी हई। आई हम सब छी त देखई छी। हमरा बाद कोन देखतई। ऐकर विकलांग प्रमाण पत्र भी बनवा देली पर कोई काम के न हई। ऐहन के जब कोई सुविधा न मितई तब केकरा मिलतई।
मुखिया नाजो खातून के पति अमिन अंसारी कहलथिन कि उनकर बिकलांग प्रमाण पत्र न बनल रहलईय। एही से उनका पेंसन न मिलत रहलई। एई बेर उनकर पेंसन पास हो गेलईय। अब उनका पेंसन मिलतई।