रास्ता को जा हाल
जिला महोबा, ब्लाक कबरई, कस्बा कबरई, वार्ड नम्बर 12 भगत सिंह नगर। एते पूर्व पंचवर्षी में सी.सी. परी हती जोन नीचे बनी हे। जीसे ऊ गली में पानी भरो रहत हे, तो लड़का-बिटिया ओर आदमी निकरें में गिर जात हंे।
राजकुमार, शिवराम ओर सम्पत ने बताओ कि ई रास्ता से दिन भर में हजारन आदमी निकरत हंे। चाहे बाजार जाने होय चाहे काम करन जाने होय। ई रास्ता में बारऊ महीना पानी भरो रहत हे। गली में ईट पत्थर धर के निकरत हें, नई तो टिघनन से हेल के निकरने परत हे। जीसे छोट-छोट बच्चा तो का स्यान आदमी तक गिर के घायल हो जात हें।
रामसजीवन ने बताओ कि ओते ऊंचाई होय के कारन पानी भरो रहत हे। जभे ज्यादा पानी बरस जात हे तो पानी हमाये घरन में घुस जात हे। जीसे हमाये बेठे तक खा जगह नई रह जात हे। अगर ई रास्ता में ऊंचाई हो जाये तो नींक हो जेहे, पे कोनऊ नई सुनत आय।
कबरई नगर पालिका के अधिषासी अभियन्ता दिनेश कुमार मिश्रा ने बताओ कि ओते थोड़ी बीच में रास्ता खराब हे। जीसे पानी भरो रहत हे। ऊखे लाने अभे दुबारा से प्रस्ताव बना के भेजो जेहे, ओर बजट आये के बाद रास्ता बनवाओ जेहे।
