कालोनी हवैं अधूरी

जिला चित्रकूट, ब्लाक मानिकपुर, गांव नागर। हिंया पिछले साल नौ लोगन का इंद्रा आवास के तहत कालोनी मिली रहै। अबै तक कालोनी का दूसर किश्त का पैंतिस हजार रुपिया नहीं आवा हवै। यहै से कालोनी अधूरी हवैं।
गांव के बेसनिया कमल प्रसाद,बिट्टी,अउर जागेश्वर का कहब हवै कि सरकार कइती से इंद्रा आवास के तहत सत्तर हजार रुपिया के कालोनी मिली रहै। वहिका एक किश्त का पैतिस हजार रुपिया मिल गा रहै तौ कालोनी के दीवाल बन गे, पै वहिमा छत नहीं बनी हवै। अगर दूसर किश्त का पैंतिस हजार रुपिया मिल जाये तौ कालोनी बन के तैयार होइ सकत हवै।
सचिव राजेश का कहब हवै कि अबै सरकार कइती से दूसर किश्त का रुपिया नहीं आवा हवै। अगर रुपिया अई तौ मिली।
मानिकपुर बी.डी.ओ. राधे श्याम वर्मा का कहब हवै कि नवम्बर 2014 तक कालोनी के दूसर किश्त आ जइै तौ मड़इन का दीन जई। हम अपने से कुछौ नही कइ सकित हन।