खबर लहरिया सबकी बातें कहिया ले होतई सुधार

कहिया ले होतई सुधार

RTFजनवितरण प्रणाली के बहाली कयेल गेल हई कि सब जनता लोग के समय से राशन अउर मिट्टी तेल मिले। लेकिन केतना हद तक इ काम हो रहल लई से कोन अधिकारी न जनई छथिन।

जब कि हर साल कुपन समय से ही मिल जाई छई। मगर आम जनता के कही समय से मिलल कही दु महिना तीन महिना देर से मीलई छई। एइ से कइसे गरीब परिवार के समय से राशन मिलतई। जब कि हर महिना में राशन देवे के हई लेकिन मिलई छई कहां? शिवहर जिला के कुशहर गांव में भी इ समस्या हई।

सीतामढ़ी अउर शिवहर जिला में बहुत अइसन प्रखण्ड अउर पंचायत में इ समस्या सुने के मिलइ छई। एई समस्या के लेल लोग जनता दरवार तक आवेदन देई छथिन। ताकी अधिकारी लोग समस्या के निदान करें। अभी जिला से जनवितरण प्रणली के जाँच करे के लेल जिला अधिकारी जाँच टीम प्रखण्ड अउर गांव पंचायत में भेजले छथिन। उ लोग जनवितरण प्रणाली अउर पैक्स अध्यक्ष के जाँच करथिन। लेकिन ऐकर परिणाम कि निकलतई जे आवे वाला समय बततई। कोन अधिकारी के पता न हई कि जनवितरण प्रणाली में कहियो समय से अउर पुरा राशन न मिलई छई। लोग भी एकरा नियती समझ के झेल रहल छथिन। अइके लेल जांच से बेसी जागरुकता जरुरी हई जई से जनता के उनकर हक मिले।