खबर लहरिया सीतामढ़ी कहिया मिलतई पेंसन

कहिया मिलतई पेंसन

पार्वती देवी

पार्वती देवी

जिला सीतामढ़ी, प्रखण्ड रीगा, पंचायत कुशमारी, गांव उफरौलिया टोला। उहां वार्ड नम्बर एक में तीन आदमी के डेढ़ साल से राष्ट्रीय निःशक्ता पेंसन न मिलई छई। जेई के कारण उ लोग सब परेशान छथिन। उहां के राजीव कुमार, अनिष कुमार, कण्ठ से विकलांग छथिन अउर राजकिषोर महतो आंख से विकलांग छथिन। लेकिन उनका सब के विकलांग पेंसन अभी न मिललई। राजीव अउर अनीस कुमार के माई पार्वती देवी कहलथिन कि सब पेंसन वाला आदमी के पेंसन मिल गेलई। लेकिन हमर बेटा सब के डेढ़ साल हो गेल लेकिन अभी तक पेंसन न मिललक। पेंसन मिल जाईत रहलई त बच्चा सब के पढ़ाई-लिखाई में सहयोग हो जाईत रहलक। पंचायत सचिव के कहली त कहई छथिन कि रूपईया न आयल हई। मुखिया मनोरमा प्रसाद के बेटा अंशू प्रसाद कहलथिन कि राष्ट्रीय निःषक्ता पेंसन अउर समाजिक सुरक्षा पेंसन के रूपईया न आयल हई। पुरे पंचायत में लगभग पचास आदमी के रूपईया न मिललई। पंचायत सचीव विनोद राम कहलथिन कि राष्ट्रीय निष्कता पेंसन के रूपईया सरकार न भेजले छथिन। जब भेजथिन त देल जतई।