नागेश्वरी देवी
जिला शिवहर, प्रखण्ड तरियानी, पंचायत बेलहिया, गांव खाजेपुर, वार्ड नम्बर चैदह। इहां के नागेश्वरी देवी के अभि तक इंदिरा आवास न मिललईह। जबकि इनकर उमर अस्सी बर्ष के हो गेल हई।
उ कहलथिन कि हमरा अभि तक इंदिरा आवास न मिलल हय। पांच गो बेटा हय त सब अलग हो गेल हई। एही टुटली मरई में केनाहियो दिन कटई छी। बरसात में पानी टपकईत रहई छई त दुनु बेक्ती जाग के बिहान करई छी। पिछले साल विकासमित्र के खाता खोलावे ला कागज देली। लेकिन अभि तक कथि भेलई से बुझयबो न करई छई?
विकास मित्र नवल राम कहलथिन कि इनकर बी.पी.एल. संख्या ग्यारह हई। अभी दस संख्या वाला के काम हो रहल हई। अभी त हमरा पास एइसन ढ़ाई सौ लोग के कागज रखल हई। मुखिया उपेन्द्र साह कहलथिन कि यदि उनका इंदरा आवास न मिलल हई त देल जतई। प्रखण्ड विकास पदाधिकारी विनय कुमार सरस कहलथिन कि इंदिरा आवास त लोग इंदिरा आवास सबके खोज के देल जा रहल हई। प्रतिक्षा सूचि में उनकर नाम आयल होतई त देल जतई। यदि उनकर नाम न आयल होतई त केना मिलतई।