जरल ट्रांस्फामर
जिला शिवहर, प्रखण्ड तरियानी, गांव माधोपुर छाता। इहां के लोग के बिजली के बिल दु साल के बाद अलईह। जे देखके लोग परेशान हो गेल छथिन।
इहां के मोमीना खातुन, रसीदन खातुन, मोहम्मद इस्लाम कहलथिन कि हमरा सब के दु हजार चार सौ साठ रुपईया के बील आयल हय। एतना रुपईया एक बेर में हम सब कहां से दे पायब? ओहु में लगभग छौ महिना पहिले ट्रांस्फामर जल गेलई। कहियो सही से लाईन न रहईत रहई त एतना बील कहां से आ गेलई। हम सब सुनईत रहली कि बी.पी.एल. बाला सब के मंगनी में बिजली मिलई छई। अगर बिल देवे के रहई त दु महिना चार महिना पर कयला न भेजलथिन।
मुखिया जयमाला देवी के पति जगदिश राय कहलथिन कि एई के लेल त 10 अक्टुबर 2013 के डीएम के जनता दरबार में लोग आवेदन भी देले रहथिन। जेकर जांच में प्रखण्ड विकास पदाधिकारी अउर बिजली बिभाग के एस.डी.ओ. भी आयल रहथिन। गांब के लोग के पहिलका कनेक्सन के (तार, बल्व) रुपईया बाकी से हई।
प्रखण्ड एस.बी.ओ. रमेश कुमार कहलथिन कि बी.पी.एल. बाला के चालिस युनिट यानी एक ब्लब फ्रि हई। अगर लोग ओईसे बेसी खर्च करथिन त उनका रुपईया भुगतान कसे के होतई।