दुकान में भेल बर्बाद समान
जिला शिवहर, प्रखण्ड तरियानी चैक पर सौरभ टेलीकम दुकानदार अउर एस.टी.एफ. जवान के बीच मोबाईल के बैट्री के लेके 16 फरवरी 2015 के पांच बजे शाम में विवाद भेलई।
मोबाईल दुकानदार सौरभ कुमार कहलथिन कि हम इहां दस साल से दुकान करई छी। पहीले सब दिन अबईत रहलक एस.टी.एफ. (बाहर से जे पुलिस बोलायल जाई छई) के जवान त मोबाईल बनबबईत रहल, फोटो स्टेट करबईत रहल। लेकिन ओई दिन तीन लोग से आयल त मोबाईत के बैट्री मांगलक। ओई बैट्री के किमत ढाई सौ रूपईया रहे लेकिन सौ रूपईया दाम लगायल त हम न देली। जेई कारण बात बढ़ गेल। गाली गलौज के साथ हाथा बाही होये लागल। ओकरा बाद चल गेलक। फेन्हु दोबारा पुरा एस.टी.एफ. के कैम्पअयलक। मार पीट के साथ-साथ समान कम्प्यूटर, लैपटाॅप, प्रिंटर सब तोर-फोर देलक। लगभग लाखों रूपईया के समान बर्बाद कर देलक।
तरियानी थाना प्रभारी संजय कुमार राय कहलथिन कि आपस में दुनु आदमी समझौता कर लेलथिन। केस करे दुकानदार आयल रहथिन लेकिन हम केस न लेली।
एस.पी. शिवकुमार झा कहलथिन कि जे लोग समान बर्बाद कलई उ लोग भरपाई करतई। यदि न करतई त नियमानुसार कानूनी कारवाई कयल जतई। लेकिन आपस में समझौता भे गेलई।