एक कइत देवी के नाम से पूजा तौ दूसर कइत बलात्कार अउर छेड़खानी

जिला बांदा। लड़की होय के नाम मा जहां एक कइत मड़ई देवी के पूजा करत है। होंआ दूसर कइत उनके साथै बलात्कार अउर छेड़खानी के मामला बढ़त जात हैं। इं मामला जिला के बढ़त महिला हिंसा का बतावत हंै।
अतर्रा थाना क्षेत्र का एक मनसवा बताइस है-“मोर दामाद का साथी लड़कू 16 साल के साथै 3 अक्टूबर का बलात्कार करिस अउर जान से मारै के धमकी दिहिस। लड़की देवी देखैं गे रहै। मैं अतर्रा थाना मा लड़कू के खिलाफ रपट लिखा के कारवाही के मांग कीने हौं।“ अतर्रा थाना का मुंशी सत्यदेव बताइस कि लड़कू के खिलाफ रपट लिख गे है। वहिके ऊपर बलात्कार के धारा 376 अउर गाली गलौज के धारा 506 आई.पी.सी. अउर पास्को अधिनियम के तहत लड़कू का 5 अक्टूबर का जेल भेज दीन गा है।
दूसर मामला तिंदवारी क्षेत्र के एक औरत बतावत है-“7 अक्टूबर का राजेश तिवारी घर मा घुस आवा अउर हाथ पकड़ के घसीटै लाग। जबै मैं मना करंेव तौ वा लात घूसा से बहुतै मारिस है। रोवैं के आवाज सुन के मोहल्ला वाले मोहिका बचााइन। मैं तिंदवारी थाना मा दरखास दीने हौं।”
तिन्दवारी थाना का मुंशी हरवंश लाल कहत हैं कि वा औरत के दरखास लई लीन गे है। वहिका दवाई खातिर जिला अस्पताल भेजा गा है। डाक्टरी रिपोर्ट आवैं के बाद रपट लिखके कारवाही कीन जई।
तीसर मामला बांदा शहर के मोहल्ला के एक औरत बताइस-“मैं 28 सितम्बर का बांदा के भूमि अधिपत्य विभाग आपन जमीन के जानकारी ले गई रहौं। विभाग का बाबू विद्यासागर अउर जौहरपुर गांव का रहैं वाला मुन्नू सिंह अश्लील हरकत कइके मोरे साथै छेडखानी करिन। 28 सितम्बर का मैं दूनौ के खिलाफ रपट लिखाये हौं। यतने दिन के बाद भी पुलिस आगे कारवाही नहीं बढ़ाइस आय।”
बंादा कोलवाली के प्रभारी कमलेश कुमार यादव कहिन कि या मामला मा मारपीट केे धारा 323, गाली गलौज के 504, जान से मारै के धमकी 506 अउर 354 छेडखानी लाग है। जांच पूरी मा कारवाही कीन जई।