जिला फैजाबाद, ब्लाक मया। हिंआ 25 मार्च का सुबेरे ग्यारह बजे मोटर साइकिल से मया गोषाईगंज जात रहिन। षिवमूरत गुप्ता कै गेदहरा बचावै भै एक्सीडेंट गहरा चोट लाग बाय। हुआ कै मनई मया अस्पताल मा लै गईन कर्मचारी कहिन डाक्टर नाय बाटिन इलाज न होय पाये।
समषेर अली, मनोज पाण्डेय, षिवषंकर तिवारी बताइन कि हमरे सब मरीज का लइके अस्पताल गयेन तौ एक्व डाक्टर मौजूद नाय रहिन। खाली चपरासी रहिन। थोरिकै मलहम पट्टी लगााय के कहिन इलाज न होय पाये। येतना कहिके भेज दिहिन। बाहर निकरतै मरीज चकरियाए के गिर गइन। कउनौ सुनवाई नाय करत रहिन। फिर मया लक्षमनपुर कै समाज सेवी राजेन्द्र तिवारी का बोलाइन तब सी.एम.ओ.के लगे फोन करिन तब जाय के ठीक तरह से सूई दवाई पट्टी भै। मया के जनता बहुत खफा बाय। हिंआ के डाक्टर अउर सिस्टम से सब मनईन कै कहब बाय कि अगर व्यवस्था सुधार न होय तौ अस्पताल कउने काम कै।
डाक्टर राजेष दूबे बताइन कि हम वहि दिन छुट्टी पै रहेन यहिसे ई समस्या भै अगर हम होतेन तौ कउनौ समस्या न हुवत।