बच्चा के लेल चिंतित अनिता देवी
जिला सीतामढ़ी, प्रखण्ड रीगा, पंचायत सिरौली द्वितिय, गांव रामनगरा, वार्ड नम्बर चैदह। उहां के अनिता देवी के चार गो बच्चा भेलई लकिन सब बच्चा विकलांग ही हई। जेई कारण उ हमेशा दुःखी रहई छथिन। आंगनवाड़ी भी उहां न हई जेई कारण उहां से भी कोई सुविधा न मिलई छई।
अनिता देवी कहलथिन कि हमरा हर्ष कुमार अउर चंदन कुमार दु गो बच्चा भेल उ दुनु विकलांग रहे। तब तीसरा बच्चा जब गर्भ में होयलक तहिये से इलाज करईली। त उ बच्चा चल फिर करई छई। लेकिन उहो पुरा स्वस्थ्य न हई। जब चैथा बच्चा गर्भ में भेल त दु गो जांच डाॅक्टर रजनी सिंह से करईली। ओई के बाद उ डाॅक्टर पटना चल गेलथिन। जेई कारण इलाज पुरा न होयलक। बच्चा उहो विकलांग हो गेल। हमरा में की कमी हई कि हमर बच्चा सब विकलांग पैदा होईय।
सीमामढ़ी सदर अस्पताल के सिविल सर्जन अरविन्द कुमार गुप्ता कहलथिन कि खून में कमी के कारण बच्चा विकलांग होई छई। ओकर इलाज के सुविधा सदर डिविजन में न हई छई।