खबर लहरिया चित्रकूट लड्डू खाए या लल्लू बने? यूपी बोर्ड परीक्षा में कैसी रही किस्मत और मेहनत

लड्डू खाए या लल्लू बने? यूपी बोर्ड परीक्षा में कैसी रही किस्मत और मेहनत

जिला बांदा, चित्रकूट 9 जून का उत्तर प्रदेश के बोर्ड परीक्षा का रिजल्ट निकला हवैं। साल भर कड़ी मेहनत कइके पढ़े वाले लड़का लड़की पास होवे के ख़ुशी मनावत हवै। जिला बांदा, जिला चित्रकूट 9 जून का उत्तर प्रदेश के बोर्ड परीक्षा का रिजल्ट निकला हवैं। साल भर कड़ी मेहनत कइके पढ़े वाले लड़का लड़की पास होवे के ख़ुशी मनावत हवै।  बांदा के जोगिन्द्र का कहब है कि कक्षा 10 मा मैं पहिला  स्थान पायें हौ हमार क्लास से 65 बच्चा पास भें है। मैं ज्यादा पढ़ाई कइके नेवी मा अफसर बने चाहत हौं। जोगिन्द्र के बहिनी अभिलाषा बताइस कि हमार परिवार मा जोगिन्द्र पहिला लड़का आय जेहिका 99 प्रतिशत नम्बर मिले है। बांदा के सरिता बताइस कि मोहिका 77.2 प्रतिशत नम्बर मिले है मोर बाप किसान है मैं अपने मेहनत से पढ़ाई कीनेहौं कोचिंग नहीं पढ़े आहूं।मैं आर्केस्ट्रा बने चाहत हौं जेहिसे मोर बाप महतारी के नाम रोशन हो।चित्रकूट के अंकिता तिवारी बताइस कि हमार टीचर हमार बहुतै सहयोग करत रहैं।अच्छे से पढ़त लिखत रहेन यहै कारन नम्बर भी अच्छे आये हवैं।चित्रकूट का सौरभ बताइस कि मोर बाप किसान हवै पै मोर पढ़ाई मा मोर परिवार सहयोग देत  हवै मैं इंजीनियर बने चाहत हौं। आकांक्षा तिवारी बताइस कि अच्छे से पढ़ाई नहीं करे रहिंव यहै कारन डेर लागत रहै पै रिजल्ट आवे के बाद पास होय के खबर से खुशी मिली हवै।मोर 75 प्रतिशत नम्बर आये हवै।

रिपोर्टर- सुनीता देवी और गीता देवी

12/06/2017 को प्रकाशित