आगी लगावैं के करिस कोशिश

जिला चित्रकूट, ब्लाक मऊ, कस्बा मऊ, केवटहार बस्ती। हिंया के संगमिया का अरोप हवै कि मनसवा देवी दीन मोरे ऊपर 17 फरवरी का मिट्टी का ेतल डार के आगी लगावैं के कोशिश करिस। यहिके रपट मऊ थाना मा लिखाइगे।
संगमिया का कहब हवै कि शादी चार साल पहिले देवीदीन साथै भे रहै। मोर दुइ लड़का हवै। मनसवा देवीदीन रोजै मारपीट करत हवै। कत्तौ कत्तौ घर से भी बाहर निकार देत हवैं। 17 फरवरी का दिन मा दस बजे मोहिका मारिस अउर मिट्टी का तेल डार दिहिस। मैं हल्ला करेंव तौ मोर भाई राम सोमंदर आ के बचाइस मनसवा भाई के ऊपर भी मिट्टी का तेल डार के आगी लगावैं के कोशिश करिस। मैं बाहर निकर के हल्ला करेंव तौ पड़ोस मा रहैं वाले मड़ई आ के मोहिका अउर मोरे भाई का बचाइन हवै।
मनसवा देवीदीन का कहब हवै कि मैं संगमिया से खाना बनावैं खातिर कहे रहौं तौ वा मना कइ दिहिस। यहै से मैं एक थप्पड़ मार दीने रहौं। मैं वहिके ऊपर अउर वहिके भाई राम सोमंदर के ऊपर मिट्टी का तेल नहीं डारे हौं।
मऊ थाना के दीवान रामदेव शुक्ला का कहब हवै कि मनसवा देवीदीन का धारा 151 (चालान करब) के तहत पकड़ के चालान कइ दीन गा हवै।