आंगनवाड़ी कार्यकत्री करिन बइठक

जिला बांदा। अखिल भारतीय आंगनवाड़ी कर्मचारी महासंघ के बइठक अलीगंज के मैरिजहाल मा रविवार का भे। जेहिके मंडल अध्यक्ष नीलम वर्मा कहिन कि आंगनवाढ़िन का राज्य कर्मचारिन का दर्जा अउर 15 हजार रूपिया वेतन के मांग उंई लगातार करत हन। जिला से लइकै प्रधानमंत्री अउर मुख्यमंत्री तक या मुद्दा गूंजा है, पै कउनौ सुनवाई निहाय। केवल सौ रूपिया रोज मा आंगनवाड़ी काम करत है।
नरैनी आंगनवाड़ी निर्मला निषाद, महुआ किरन तिन्दवारी विमला सहित पचास आंगनवाड़ी बइठक मा शामिल रहै। उंई कहिन कि या काम मा सब गरीब बेसहारा अउर विधवा औरतें है। काम तो एक के जघा चार सउप दीन जात है पै वेतन नहीं बढ़त आय। उंई या भी कहिन कि प्रधानमंत्री वेतनमान के बात करत है, पै आंगनवाड़ी के ऊपर उनका ध्यान नहीं जात आय। यहिके खातिर हम कइयौ दरकी घरना प्रदर्षन कइके डी. एम. के जरिए ज्ञापन भी दइ चुके हन।
जिला कायैक्रम विभाग के प्रभारी अधिकारी अर्जुन सिंह का कहब है कि या भारत सरकार का काम आय। कुछ नहीं होई सकत।