जिला फैजाबाद, ब्लाक तारुन, ग्रामसभा विजैनपुर सजहरा। हिंआ आंगनबाड़ी कार्यकत्री केन्द्र किराये के मकान मा चलावत रहिन। जल्दी किराया न आवै से काफी दिक्कत कै सामना करै का परत रहा। लकिन अब यहिं केन्द्र बनै कै नियम आइगै बाय।
बाल विकास परियोजना के अर्न्तगत संचालित आंगनबाड़ी केन्द्रन पै जवन किराया के मकान मा चलत रहा अब ऊ दिक्कत दूर होय जाये। योजना के तहत आंगनबाडी़ भवन के निर्माण के ताई विभाग जमीन मांगे बाय।
सुपर वाइजर आशा बताइन कि भवानीपुर गांव मा आंगनवाड़ी केन्द्र बनै कै नियम आय बाय। 2016-17 मा बनिके तैयार हुवय का बाय। गांव के प्रधान का भवन निर्माण के ताई जमीन कै प्रस्ताव मांगा गै बाय। प्रधान अरविन्द वर्मा बताइन कि जमीन कै तलास कै जात बाय। जल्दी जमीन कै प्रस्ताव भेजा जाये।