जिला अस्पताल मा खराब पड़ा पानी कै आरओ

जिला अम्बेडकर नगर, ब्लाक अकबरपुर जिला अस्पताल। हिंआ खराब पड़ा आरओ सिस्टम से मरीजन का पानी पियै कै समस्या बढ़ी।
वार्ड नम्बर एक डिलेवरी रुम मा भर्ती शकुन्तला, जानकी, अर्चना अउर कंचन बताइन कि हमरे सब हिंआ लगभग आठ दिन से भर्ती हई। बड़ा आपरेशन भै बाय। ज्यादा चलि नाय सकतेन। पानी पियै की ताई वहिरे मैदान मा एक इण्डिया टू मार्का हैण्डपम्प बाय। वहिं भी लाइन लगावै का पराथै। हर रोज हजारन मरीज आवत जाथिन सब वही समस्या से जूझत अहैं। शौचालय मा पानी विना यतनी गन्दगी होय जाथै कि पानी बिना अन्दर नाय जाए मिलत।
जिला चिकित्सालय कै मुख्य चिकित्साधिकारी डाक्टर ओपी सिंह बताइन कि व्यवस्था मा सुधार के ताई प्रयास कीन जात बाय। जल्द ही स्वास्थ्य सेवा मा सुधार होये।