सहायिका गुड्डू
जिला महोबा, ब्लाक पनवाड़ी, गांव देवगनपुरा। ई गांव में पांच साल को बनो आंगनबाड़ी केन्द्र बिना आंगनवाड़ी के चलत हे। काय से ई केन्द्र की आंगनवाड़ी रेहाना डेढ़ साल पेहले मर गई हती। जभे से केन्द्र सहायिका गुड्डू के सहारे चलत हे। एई से ऊ सहायिका अब आंगनवाड़ी के मांग करत हे।
सहायिका गुड्डू ने बताओ कि में एते के आंगनवाड़ी केन्द्र में पांच साल से सहायिका के पद में काम करत हों। अब डेढ़ साल हो गये हें मोये पूरो केन्द्र देखने परत हे। काय से आंगनवाड़ी रिहाना की तबियत खराब होय के कारन मोत हो चुकी हे। जभे से ऊखो पद खाली परो हे। में ऐसी ठन्डी में बच्चन खा बोलाये जात हों। बाद में सबखा खाना बना के खबाउत हों, ओर आंगनवाड़ी को पूरो काम करत हों। ई समय मोये केन्द्र में तीस बच्चा आउत हंे। बाकी बच्चन खा ऊखे मताई बाप नई भेजत आय। कहत हें कि ओते आंगनवाड़ी नइयां तो बच्चन खा केन्द्र भेज के का करबी। एई से अब में परेशान हों लागत हे कि जल्दी से आंगनवाड़ी खे भर्ती करा दई जाय तो नींक हो जेहे।
सी.डी.पी.ओ. मंजला भार्गव ने बताओ कि अभे सरकार केती से नई भर्ती खे लाने रोक लगा दई गई हे। जभे तक ओते से नई भर्ती करें को आदेश न आहे। तभे तक आंगनवाड़ी को पद खाली रेहे।