खबर लहरिया अम्बेडकर नगर अम्बेडकरनगर जिले के सहजादपुर कस्बे छेड़खानी करने वाले लड़कों ने मना करने पर जान ले लिया

अम्बेडकरनगर जिले के सहजादपुर कस्बे छेड़खानी करने वाले लड़कों ने मना करने पर जान ले लिया

जिला अम्बेडकरनगर, ब्लाक भीटी, गांव लोरपुर अम्बेडकरनगर के शहजादपुर कस्बा मा 8 मई का गाजीमियां के मेला लाग रहा। वहि गाँव कै एक लड़की मेला देखए आय रही। मेला मा ही कुछ लड़के लड़की के साथ छेड़खानी करिन।
मेला मा ही मौजूद शिवा एहि बात पै रोक लगाइस तौ गुस्सा लड़के शिवा का बहुत ही बेरहमी से मारिन। लखनऊ लै जात समय रास्ता मा ही शिवा कै मउत होइगै। पुलिस कै कहब बाय की जांच चलत बाय पर सवाल ई उठत बाय की का पुलिस शिवा का मारै वालेन का पकरि पाये।
डब्लू चाउमीन वाले कै कहब बाय की जब लड़कन के घरे वरहना लइके गए तौ उनके घर वाले वरहना नाय लिहिन। जब इनके सब वापस आवै लागे तौ पीछे से मारि दिहिन।रात साढ़े नौ बजे कै घटना आय। ठेला पै कुछ मुसलमान लड़के छेड़खानी करत रहे तौ शिवा रोके रहे।
दिलीप कुमार पड़ोसी कै कहब बाय की मुख्तार अहमद, मोहम्मद शफीक अउर मोहम्मद शकील अउर दुई अज्ञात। वही मोहल्ला कै रहे मिलके मारिन।शुभम मृतक के दोस्त कै कहब बाय की दीवाल मा लडाय के मारे रहे।
देवानंद मृतक कै छोट भाई कै कहब बाय की जब हम मेला देखके आयन तौ भीड़ लाग रही। चौतरा पै मारि के हमरे भाई का लेटाये रहिन।तब घर से जायके मम्मी का बुलाय के लायन।
कृष्णा वती मृतक के अम्मा कै कहब बाय की हमार बेटवा शौच करै गा रहा मेला देखै नाय रास्ता से ही उनके सब बुलाय लै गये। अउर मारिन। जब सूचना मिली तौ जिला अस्पताल लै गयन वहिसे रिफर कै दिहिन लखनऊ लै जात समय रास्ता मा शिवा कै मउत होइगै।

रिपोर्टर- संगीता