अभी अभी सजा हुई है तब तक अयोध्या से एक और मामला बलात्कार का

अयोध्या--राम कै जन्म भूमि मानी जाय वाली रामनगरी अयोध्या मा 19 साल के लड़की के साथे बलात्कार कै शर्मनाक घटना सामने आय बाय | हियां के बालू घाट क्षेत्र मा 24 अगस्त के शाम लगभग छह बजे अयोध्या गोरखपुर हाइवे पै चलती कार मा लड़की के साथ तीन मनई सामूहिक बलात्कार करिन|
शिकायत कर्ता कै मां कै कहब बाय कि हमार लड़की अपने काम से वापस आवत रही घरे तौ रास्ता मा हमरे लड़की का रोक के हमला करिन| गाड़ी मा जबरदस्ती बैठावै लागिन| जब कुछ मनई देखिन फोन करिन पुलिस वाले आये सबका पकरिके लै गये हमरे लड़की का भी लै गये | वहिंसे हमें सूचना मिली दुई जने पकरा गये एक जने भाग गये| करीब पंद्रह दिन से परेशान करत रहे लकिन अब ज्यादा परेशान करै लागे| जवन पकरा गा बाटे उनके घर वाले धमकी दियत अहैं सुलह कै लिया नाहीं तौ गोली मार दियब| पैसा लइके सुलह करै का कहत अहैं ऐसे कइसे सुलह कै ली उनसे हमार कउनौ दुश्मनी नाय रही| तबौ यतनी बड़ी घटना घटी उनसे सुलह कै ली कल का हमरे घर मा हलिके गोली मार दियै|
शिकायत कर्ता कै पड़ोसन बताईन कि अगर बिटिया घर से बाहर न निकरे तौ इनके घर कै खर्चा कैसे चले| जवन भा यस हुवय का नाय चाही ऐसन मनई का कड़ी से कड़ी सजा दियै का चाही|

रिपोर्टर-संगीता 

28/08/2017 को प्रकाशित