जिला सीतामढ़ी,प्रखण्ड रीगा, गांव बभनगमा पंडित टोला अउर बुलाकीपुर। उहां के लगभग सात आदमी के बच्चा केजन्म भेला लगभग तीन चार महिना हो गेलई। लेकिन जन्म प्रमानपत्र न मिलल हई। जबकि बच्चा के जन्म प्रथमिक स्वास्थ्य केन्द्र मे भेल हई।
बभनगमा पंडित टोला के संजु देवी, सुनिता देवी कहलथिन कि हमरा बच्चा के जन्म भेला दु महिना हो गेल। लेकिन जन्म प्रमाण-पत्र न मिलल हई। ओइ सही बुलाकिपुर के नितु देवी कहलथिन कि हमरा अक्टुबर में ही लड़की जन्म लेलक लेकिन आइ ले जन्म प्रमाण-पत्र न मिलल हई। केतना बेर आशा के कहली। लेकिन कहई छथिन अभी पेपर न आयल हई।
बभनगमा के आशा मीना देवी कुसुमपुर बखरी उतरवारी टोला के पुनम देवी,सीराही के मंजु देवी कहलथिन कि छठा महिना मेंकुछ बच्चा के जन्म प्रमाणपत्र बनलइ अउर के बाकी हइ। छ सात महिना में लगभग बीस इक्कीस बच्चा के जन्म प्रमाणपत्र बने के बाकी हई।
प्रखण्ड चिकित्सा पदाधिकारी डॉक्टर शिवशंकर प्रसाद कहलथिन कि लगभग छौ महिना से जन्म प्रमाणपत्र के पेपर जिला से न मिलईत रहलई। 14 जनवरी 2014 के जिला में बैठक भेलई। जेइमें चार सौ पेपर मिललई ह। अब जन्म प्रमाणपत्र सब के बनायल जतई।