अब फिर पिये के पानी खा मचहे मारामारी

महोबा जिला तालाब के लाने बोहतई जानो जात हे पे पिये के पानी खा आज भी आदमी भटकत हे। ई जिला खा डार्क जोन घोषित करे बाद परेशानी दूरी नई भई हे। पिये के पानी खा लेके जाने कित्ते आदमी लड़ाई में घायल हो जात हे।
ब्लाक चरखारी गांव स्वासामाफ एते के अरबिन्द, रामकुमार, इन्द्रपाल ओर नरेन्द्र सिंह ने बताओ कि गांव म टंकी बने खे लाने केऊ दइयां सर्वे हो गओ हे। हम लोग पिये के पानी खा एक कोस दूर से साइकिल ओर बैलगाड़ी से पानी भर के लाउत हे। जभे कि हमाये गांव मे शासन के एते से टंकी बने खा पास हो गई हे। पे पता नइयां काय नई बनी हे। जोन हमाये गांव मे हैण्डपम्प लगे हे ऊखो पानी बोहतई खारा हे।
सिविल जलनिगम के सहायक अभियन्ता मुलायम सिंह यादव कहत हे कि ओते टंकी पास हो गई हे। रूपइया भी आ गओ हे। ओते यान्त्रिक शाखा के एते से बोर कराउत हे तो सफल नई हो पाओ हे जीसे काम बन्द परो हे।