अतिक्रमण से परेशान दुकानदार
जिला बांदा, ब्लाक नरैनी, कस्बा नरैनी। हेंया तहसील के बाहर दुकान करैं वाले दुकानदारन का नरैनी तहसीलदार आशुतोष कुमार सिंह 11 जून 2014 का जमीन खाली करैं के आदेश दिहिन हैं।
शिवराम, सुनीता अउर अब्दुल हमीद बतावत हैं कि हम गरीब मड़ई तहसील के पास दुकान लगा के आपन परिवार पालत रहन। 16 जून 2014 का हमरे पास दुकान खाली करैं के नोटिस मिली है। 18 जून 2014 का तहसीलदार आपन आफिस मा बुलाइस है। कहत रहै कि तीन दिन मा दुकान खाली करो अगर हम लोगन का या धन्धा बंद होइ जई तौ हम भुखमरी के कगार मा आ जइबे। अगर हमार जघा खाली कराई जात है तौ कतौ रोजगार खातिर जघा दीन जाय।
नरैनी तहसीलदार आशुतोष कुमार सिंह कहब है कि 35 लोगन का जमीन खाली करैं खातिर तीन दिन के मोहलत दीन गे है। या सरकारी आदेश है जमीन खाली करैं का परी। सरकार कइत से जउन आर्थिक सहयोग का नियम है वहिके मदद कीन जा सकत है।